47.      હિન્દુ – મુસલમાન વચ્ચે એક-માર્ગીય સેતુ (One–way bridge): ઇસ્લામના ફેલાવ માટે નડતર રૂપ સમસ્યાઓ વિષે આગાઉ પોઈન્ટ (‎15)માં આપણે જે જાણ્યું, એના પરથી એક વાત સ્પષ્ટ છે કે ઇસ્લામના પ્રચારકોને હિન્દુ દુનિયામાંથી ઇસ્લામની દુનિયામાં લઈ જવા માટે એક “સેતુ” અથવા એક “હોડી”ની જરૂરત હતી. એ સેતુ કે હોડી જે તૈયાર કરવામાં આવે એનું નામ હતું સતપંથ. આ સેતુ તોજ કામ કરી શકે કે લોકો એટલે કે હિન્દુઓ પહેલાં એના તરફ આકર્ષિત થાય. જો પહેલાંથી હિન્દુઓને ખબર પડી જાય કે આ સેતુ એમને ઇસ્લામની દુનિયામાં લઈ જશે, તો કોઈ દિવસ એમાં ચડે નહીં.

એટલે એવી યુક્તિની જરૂર હતી કે આ સેતુ/હોડીનો દેખાવ હિન્દુ ધર્મનો હોય. પણ જેમ-જેમ આગળ વધે, ત્યારે એ અંતે મુસલમાન દુનિયામાં પૂરો થાય. ત્યારે હિન્દુઓને પાછા હિન્દુ દુનિયામાં વાળવાનો કોઈ રસ્તો બચે નહીં. [120:Page 48]

હિન્દુ-મુસલમાન વચ્ચે પ્રેમ, એકતા, સંપ, સંગઠન, સદભાવ, ભાઈચારો, ભગવાન તો એકજ છે, વગેરે આદર્શવાદી સિદ્ધાંતોનો સહારો લઈને, પહેલા તબક્કે હિન્દુઓને ઇસ્લામના ધર્મસ્થાનકો તરફ આકર્ષિત કરવાનું કામ શરૂ કરવામાં આવ્યું. એ કેમ થયું એ જોઈએ.

48.      દશાવતાર ગ્રંથની રચના: આવા સેતુની શોધમાં ઇસ્લામના પ્રચારકોએ હિન્દુ શાસ્ત્રોનો ગહન અભ્યાસ કર્યો. “સામગ્રી”માં બારમતી સંપ્રદાયના સાહિત્યો, પોઈન્ટ (‎33), પસંદ થઈ ચૂક્યા હતા અને એના પર કામ કરવા માટે “સાધન” (Tools) રૂપી યુક્તિ/રણનીતિ (“વિચારધારાનો વિનાશ” – પોઈન્ટ (‎17)) પણ તૈયાર હતી. આવી “સામગ્રી” અને “સાધન” વાપરીને એવી વસ્તુ તૈયાર કરવામાં આવી કે જેનાથી વિચારધારાના વિનાશનું પહેલું પગલું, એટલે હિન્દુ ધર્મને ભ્રષ્ટ કરવા માટેનો મૂળ ગ્રંથ, તૈયાર કરવામાં આવ્યો. પહેલાં પીર સદરૂદ્દીનએ “નાનો દશાવતાર”[100] ગ્રંથ રચ્યો, અને ત્યારબાદ એમના પૌત્ર સૈયદ ઇમામશાહ બાવાએ એનું વિસ્તૃતિકરણ કર્યું અને “મોટો દશાવતાર”[13] [45] [125] [139] ગ્રંથ તૈયાર કર્યો.

આ ગ્રંથને હિન્દુ ભગવાન વિષ્ણુના મુખ્ય દસ અવતારો પર આધારિત તૈયાર કરવામાં આવ્યો છે. આ ગ્રંથનું નામ “દશાવતાર” રાખવામાં આવ્યું છે. એ ગ્રંથનું નામ ક્યાંક “શ્રીમદ દશાવતાર”[47] તો ક્યાંક “શ્રીમદ ભગવત દશાવતાર”¹⁶ પણ જોવા મળે છે. ધ્યાન રહે નામ પણ કેવું છેતરામણું છે.

મજાની વાતતો અહીં એ છે કે હિન્દુ ધર્મમાં “દશાવતાર” નામનો કોઈ ગ્રંથ જ નથી. હિન્દુ અલગ-અલગ પુરાણોમાં ભગવાન વિષ્ણુના વિવિધ અવતારો વર્ણવેલ છે, પણ કોઈ દશાવતાર કે એવા નામ જેવો કોઈ ગ્રંથ હિન્દુ ધર્મમાં નથી. ઇસ્લામ ધર્મમાં છે.

49.      ગ્રંથમાં વાર્તા શું છે? દશાવતાર ગ્રંથમાં ભગવાન વિષ્ણુના મુખ્ય દસ અવતારનું વર્ણન છે. એ અવતારોની ભૂમિકા બે ભાગે સમજી શકાય.

49.1.        સહયોગી અવતાર: (કુલ 7 અવતાર)

1)    મત્સ્ય

2)    કૂર્મ

3)    વરાહ

4)    નરસિંહ

5)    વામન

6)    પરશુરામ

7)    રામ

49.2.        બ્રેનવોશિંગ (Brainwashing) અવતાર: (કુલ 3 અવતાર)

8)    કૃષ્ણ

9)    બુદ્ધ

10)  નકલંકી (કલ્કિના બદલે)

નોંધ: હિન્દુ શાસ્ત્રો પ્રમાણેનો છેલ્લો અવતાર, કલ્કિ અવતારને બદલીને, નિષ્કલંકી અવતાર મૂકી દેવામાં આવ્યો છે.

50.      સહયોગી અવતારોની ભૂમિકા: અભ્યાસ કરવાથી સમજણ પડે છે કે સહયોગી અવતારોની મુખ્ય ભૂમિકા છે કે..

1)    હિન્દુ રૂપ જાળવી, ઇસ્લામના આદર્શો, સિદ્ધાંતો, નિયમો, અને માન્યતાને સ્વીકારવું.

2)    જ્યાં હિન્દુ નિયમોનો સીધો ટકરાવ ઇસ્લામના નિયમો સાથે થાય, ત્યાં ઇસ્લામના નિયમો પડખે રહેવું.

3)    છેલ્લા 3 એટલે કે બ્રેનવોશિંગ અવતારોને મદદ રૂપ થવું.

આ બધાજ અવતારોમાં, યુક્તિના ભાગ રૂપે, રમત એ હોય છે કે હિન્દુ શાસ્ત્રો પ્રમાણે અવતારોનો આધાર લેવો અને તેમાં ઇસ્લામી તત્વોનું ભેળસેળ કરવું. આ સહયોગી અવતારોમાં થયેલ ભેળસેળની વિસ્તૃત વાતો અહીં નહીં કરીએ. વિસ્તૃત જાણકારી માટે વાંચો સતપંથ છોડો પુસ્તક [27].

આ વિષે આછો અંદાજ આપતું એક ભાષણ પ્રકાશિત થયેલ છે. ક.ક.પા. જ્ઞાતિના આધ્ય સુધારક, શ્રી નારાયણ રામજી લીંબાણીનું દિનાંક 07 થી 09 ઓકટોબર 1922 સુધી, કરાચીમાં યોજાયેલ જ્ઞાતિની બીજી પરિષદમાં, એક ખૂબ સરસ ભાષણમાં [6:Page 207 to 214] [34:Page 256 to 265] [114:Page 58 to 65] પ્રકાશિત કરેલ છે.

જેના મુખ્ય મુદ્દા આ પ્રમાણે છે;

1.     સતપંથ ધર્મનો ઉદ્દેશ શું છે?

2.     હિંદુઓના ભોળપણનો કેવો ખોટો લાભ લઈ હિંદુઓના શાસ્ત્રોને વટલાવ્યા.

3.     સતપંથનો અથરવેદ એ સાચો હિંદુઓનો અથર્વવેદ નથી.

4.     ભગવાન વિષ્ણુના દસમા અવતારને “હજરત અલી” બતાવ્યો છે.

5.     નકલંક નારાયણ અવતાર મુસલમાનોમાં થયો.

6.     ઈમામશાહે પોતાને નકલંક નારાયણનો વંશજ બતાવ્યો.

7.     ઈમામશાહે પોતાને ઇન્દ્ર પણ બનાવી નાખ્યો.

8.     સતપંથના દસ અવતારનું જુઠ પકડી પાડ્યું છે.

9.     સતપંથને “સનાતન ધર્મ”માં ખપાવવાના પ્રપંચો કેવા છે.

10.  ઈમામશાહના દીકરા નુર મુહમ્મદ શાહને ભગવાન વિષ્ણુનો રૂપ બતાવ્યો.

11.  વગેરે વગેરે

50.1.        અવતારોને જોડી રાખતો મહત્વનો મુદ્દો: આગાઉ પોઈન્ટ (‎34.7)માં જણાવ્યા પ્રમાણે, શિયા ઇસ્લામની માન્યતા છે કે આ જગતમાં ભગવાન એક યા બીજા રૂપે હમેશા હોય જ છે. એક ઘડીએ પણ જો ભગવાન ન હોય, તો પૃથ્વી એજ ઘડીએ વિનાશ પામી જશે, એવી એમની માન્યતા છે. માટે ભગવાન એક જ કુળમાં સતત જન્મ લેતા હોય છે. એ કુળને “અલી વંશ” કહવામાં આવે છે. અને આ વાતને હિન્દુઓના ગળે ઉતારવા માટે એને “હરિવંશ” નામ આપી દેવાયું છે. પણ હિન્દુ ધર્મમાં વિષ્ણુનો જન્મ, સમય સમય પ્રમાણે, અલગ અલગ કુળમાં થયો છે. દા.ત. શ્રી રામ સૂર્યવંશમાં અને શ્રી કૃષ્ણ ચંદ્રવંશમાં હતા. ક્યારેક તો ભગવાને જન્મ પણ નથી લીધો – નરસિંહ અવતાર. પણ મુસલમાનોને એકજ કુળમાં જન્મ લેવાનો સિદ્ધાંત ઠોકી બેસાડવો હતો. એટલે એમના દશાવતારમાં વિષ્ણુના બધાજ આવતારોને એકજ કુળમાં બતાવ્યા. પાછળથી નારાયણ રામજીના ભાષણના [34:Page 256 to 265] [80] [114:Page 58 to 65] [6:Page 207 to 214] દબાણમાં આવીને એવું કહેવામાં આવ્યું કે ભગવાને કુળ બદલ્યો. પણ એકજ વંશમાં નિરંતર જન્મની વાત ચાલુ રાખી. આ કેમ થાય? આવી ઘણી જગ્યાએ શાસ્ત્રોમાં છળ કરેલ છે. બીજો દાખલો જોઈએ તો આ અવતારોના વંશજોના નામોમાં પણ ખૂબ ગડબડ કરેલ છે. વધુ માહિતી માટે વાંચો સતપંથ છોડો, પેજ 293 [27].

51.      બ્રેનવોશિંગ (Brainwashing) અવતાર: આપણે બ્રેનવોશિંગ એટલે શું અને કેવી રીતે એનો ઉપયોગ કરવામાં આવે છે, એ આગાઉ જણાવેલ પોઈન્ટ (‎38)માં જોયું. માટે સીધા મુદ્દા પર આવીશું.

આ અવતારોનું મુખ્ય કામ હોય છે કે;

1)    લોકોના મન અને બુદ્ધિને ભ્રષ્ટ કરવું (હિન્દુ ધર્મની દૃષ્ટિએ – બ્રેનવોશિંગની મદદથી).

2)    હિન્દુ ધર્મના મૂલ્યો અને આદર્શોને રદ થયેલ, હલકા અને ઉતરતા બતાવવા.

3)    હિન્દુ ધર્મ પ્રત્યે લોકોને અભાવ નિર્માણ કરવો.

4)    ઇસ્લામના મૂલ્યો અને આદર્શોને હિન્દુઓ કરતાં સારા અને ચડીયાતા બતાવવા.

5)    ઇસ્લામ પ્રત્યે લોકોના મનમાં સન્માન અને આદર જગાડવું.

6)    છેલ્લે, લોકોને ઇસ્લામ તરફ વાળવા અથવા ધર્મ પરિવર્તન કરવું.

52.      બ્રેનવોશિંગ (Brainwashing) અવતારોની યોજના / Design: આગાઉ જણાવ્યા પ્રમાણે બ્રેનવોશિંગ માટે ત્રણ અવતારોનો ઉપયોગ કરવામાં આવેલ છે. જેને નીચે આપેલ Diagram / રેખાકૃતિથી સહેલાઈથી સમજી શકાશે.

52.1.        આ અવતારો ભ્રષ્ટ કરવા પાછળની રણનીતિ: આગળ દર્શાવેલ કૃષ્ણ અવતારમાં જે ટેબલ આપેલ છે, એના ક્રમ ‎2માં જે કુંતી માતા વિષે જે મુદ્દો છે, ત્યાંથી આ રણનીતિની ખરી શરૂઆત થાય છે.

આ રણનીતિનો ઉપયોગ અહીં કેવી રીતે કરવામાં આવ્યો, એ જોઈએ…

53.      જરૂરી ચોખવટ: સતપંથના દશાવતારના અલગ-અલગ ગ્રંથમાં ઘણી બધી નાની-નાની બાબતોમાં તફાવતો જોવા મળશે. સતપંથની શાખાઓ અને એમના ધર્મના વાડાઓ પ્રમાણે અને એકજ વાડામાં પણ સમયાંતરે થોડા-ઘણાં ફેરફારો/તફાવતો જોવા મળે છે. પણ આ બધા ફેરફારો અને તફાવતોમાં, વિષ્ણુના અવતારો અને એના હેતુઓમાં (હિન્દુઓનું ધર્મપરિવર્તન કરવું), સમાનતા છે. ભાષા કે શબ્દોમાં ક્યાંક ફેરફાર હોઈ શકે, કોઈ કારણ સર પ્રસંગનું વર્ણન જુદું પણ હોઈ શકે, પણ એમના મુખ્ય હેતુમાં કોઈ ફરક નથી.

કદાચ કોઈ સતપંથી એમ કહે કે અમારો દશાવતાર ગ્રંથ જુદો છે, અને આ પુસ્તકમાં વર્ણવેલ મુદ્દાઓ અમોને લાગુ નથી પડતાં, તો ત્યારે આ પોઈન્ટમાં જણાવેલ વાતને જરૂર ધ્યાનમાં રાખજો.

54.      મુખ્ય સંદેશ પર જોર: આગળ જણાવેલ ત્રણ બ્રેનવોશિંગ અવતારોનું સતપંથના શાસ્ત્રો અને કર્ણોપકર્ણ¹⁷ દ્વારા કંઠસ્થ પરંપરા પ્રમાણે પ્રચલિત માહિતી અનુસાર આછેરું વર્ણન કરવામાં આવેલ છે. આ વર્ણનના શબ્દોને પકડવા કરતાં, વાતની પાછળના સંદેશને સમજવાનો પ્રયત્ન કરવા વિનંતી.

આ પુસ્તકમાં સતપંથના કૃષ્ણ, બુદ્ધ અને નિષ્કલંકી અવતારની બધીજ બાબતોની વાતો નથી આવરી લેવામાં આવી. પણ હિન્દુ શાસ્ત્રોને ભ્રષ્ટ કરીને બ્રેનવોશિંગ કેવી રીતે કરવામાં આવી રહ્યું છે, એ વાત સમજવા માટે અમુક જરૂરી મહત્વના મુદ્દાઓ સામેલ કરેલ છે.

55.      કૃષ્ણ અવતાર: સતપંથના કૃષ્ણ અવતાર¹⁸ પર કોઈ વાત કરવાથી પહેલાં એક જરૂરી ચેતવણી કે..

સાવધાન છેતરાશો નહીં. આ અવતાર હિન્દુ શાસ્ત્રો પ્રમાણે નથી

અહીં જણાવેલ કૃષ્ણ અવતાર, પહેલી નજરે, એકદમ હિન્દુ શાસ્ત્રોના કૃષ્ણ અવતાર જેવો લાગશે, પણ એમાં નીચે જણાવેલ મહત્વની વાતો હિન્દુ શાસ્ત્રોમાં ક્યાંય નથી. આ વાતો તો માત્ર સૈયદ ઈમામુદ્દીન અબ્દુર રહીમ અને એમના દાદા પીર સદરૂદ્દીન દ્વારા રચેલ સતપંથ દશાવતાર ગ્રંથમાં જણાવેલ છે.

ફરીથી ચોખવટ કરવામાં આવે છે કે.. અહીં જે જણાવવામાં આવેલ અવતાર છે એ હિન્દુ શાસ્ત્રો પ્રમાણે નથી, પરંતુ સતપંથના શાસ્ત્રો પ્રમાણે જ છે. કોઈ છેતરાશો નહીં.

55.1.        ગ્રંથોનો આધાર: સતપંથના કૃષ્ણ અવતારને સમજવા માટે નીચે જણાવેલ મુખ્ય ત્રણ ગ્રંથોનો આધાર લેવામાં આવેલ છે.

સંદર્ભ ગ્રંથ [88]¹⁹   : વર્ષ 1926 – પીરાણા સતપંથની પોલ અને સત્યનો પ્રકાશ – નારાયણ રામજી લીંબાણી

સંદર્ભ ગ્રંથ [139]¹⁹ : વર્ષ 1978 – સતપંથ પ્રકાશ અર્થાત .. .. દશ અવતાર – સતપંથી સૈયદ અહમદઅલી “ખાકી”

(નોંધ: આ ગ્રંથ અને ઉપર જણાવેલ સંદર્ભ ગ્રંથ [88] (પીરાણાની પોલ) લગભગ એક સરખાજ છે. માત્ર કલમાઓના ક્રમમાં ક્યાંક-ક્યાંક એકથી ત્રણ ક્રમનો અંતર છે.)

સંદર્ભ ગ્રંથ [124]¹⁹ : વર્ષ 2009 – સતપંથ શ્રીમદ્ ભગવત દશાવતાર – નાનકદાસજી મહારાજ
(નોંધ: આ ગ્રંથમાં જણાવેલ કલમાઓ અને એજ કલમાઓની નીચે આપેલ વિવરણમાં ઘણી જગ્યાએ તફાવત છે. ધ્યાને રાખવા વિનંતી.)

આ ત્રણે ગ્રંથોની એટલે કે સંપૂર્ણ પુસ્તકની ઓનલાઈન સોફ્ટકોપીની લિન્ક આ પુસ્તકના Bibliography / સંદર્ભ સૂચિ પ્રકરણમાં મળશે. ત્યાંથી તમે આ ગ્રંથ મફત મેળવી શકશો.

55.2.        કૃષ્ણ અવતારનો જાણવા જેવો સાર: આ ટેબલ (કોષ્ટક)ના ક્રમ ‎2માં જણાવેલ રણનીતિ વિષે વાત કરવાથી પહેલાં, ક. ક. પા. જ્ઞાતિ સુધારક વડીલ શ્રી નારાયણ રામજી લીંબાણીનું સતપંથના કૃષ્ણ અવતાર વિષે શું કહેવાનું હતું, એ જોઈ લઈએ.

55.3.        બનાવટી સમસ્યા ઊભી કરી: કૌરવો સામે લડાઈ જીતીને જ્યારે પાંડવો કુંતીમાતા પાસે જાય છે ત્યારે કુંતી માતા પાંડવોને ઠપકો આપી ને કહે છે કે..,

કૌરવોને મારીને પાંડવોએ કુળને લાંછન લગાડ્યું છે. માટે સ્વજનોની હત્યાના પાપમાંથી મુક્ત થવા માટે કોઈ ઉપાય કરો.

પાંડવો માટે આ એક સમસ્યા ઊભી થઈ. પણ આ સમસ્યા મૂળ હિન્દુ શાસ્ત્રોમાં નથી. સતપંથના દશાવતારમાં જ છે. બીજા શબ્દોમાં કહીએ તો અહીં એક બનાવટી સમસ્યા ઊભી કરવામાં આવી છે.

56.       બુદ્ધ અવતાર: ઉપર જણાવેલ પોઈન્ટ (‎55.3)માં જણાવેલ સમસ્યાનો ઉપાય/ઉકેલ માટે બુદ્ધ અવતારને રજૂ કરવામાં આવ્યો.

સાવધાન છેતરાશો નહીં. આ અવતાર હિન્દુ શાસ્ત્રો પ્રમાણે નથી

સતપંથનો બુદ્ધ અવતાર ઉપર કોઈ વાત શરૂ કરવાથી પહેલાં એક જરૂરી ચેતવણી કે, એમનો બુદ્ધ અવતાર હિન્દુ શાસ્ત્રો પ્રમાણે જરા પણ મેળ ખાતો નથી. બુદ્ધ ધર્મના ગૌતમ બુદ્ધ કે સિદ્ધાર્થ બુદ્ધ સાથે પણ જરાય સુસંગત નથી. આ અવતાર કેવળ પીર સદરૂદ્દીન અને ઈમામશાહ દ્વારા રચેલ સતપંથ દશાવતાર ગ્રંથમાં છે. અન્ય કોઈ ધર્મ ગ્રંથમાં આનો કોઈ ઉલ્લેખ નથી. માટે કોઈ છેતરાશો નહીં.

56.1.     સંક્ષિપ્તમાં બુદ્ધ અવતાર: ઉપર જણાવેલ સતપંથ કૃષ્ણ અવતારના પોઈન્ટ (‎55.1)ના પેટા પોઈન્ટ (‎4 અને ‎5)માં જણાવ્યા પ્રમાણે પાંડવો બ્રાહ્મણોના હાથે યજ્ઞ કરાવી રહ્યા છે. અને એ યજ્ઞને રોકવા માટે કૃષ્ણ ભગવાન બુદ્ધ અવતાર લઈને પાંડવો પાસે જાય છે.

પહેલાં બુદ્ધ અવતાર અને ભીમ સાથે ઘણી લાંબી વાર્તાલાપ થાય છે, જેમાં હિન્દુ ધર્મની માન્યતાઓ અને પરંપરાઓ ઉપર શંકા ઉત્પન્ન થાય એવો વાર્તાલાપ છે. તેમાં ખાસ હિન્દુ ધર્મનો બૌદ્ધિક વર્ગ અને હિન્દુ ધર્મને સાચવી રાખનાર બ્રાહ્મણોને ખૂબ હલકા ચિતરવામાં આવેલ છે.

ત્યાર બાદ, એ શંકાને વધુ મજબૂત બનાવવા યુધિષ્ઠિર, સહદેવ, કુંતી અને દ્રૌપદી સાથેની વાર્તાલાપ છે. જેમાં બુદ્ધ અવતાર પાંડવોના મનમાં ઠસવી દે છે કે કૃષ્ણની વાતનું ઉલ્લંઘન કરી, વાત ન સાંભળીને, હલકા, અબોધ, બુદ્ધિ વગરના તુચ્છ એવા બ્રાહ્મણોની વાતમાં આવીને યજ્ઞ કર્યો એટલે ગુરુ દ્રોહનો પાપ લાગ્યો છે અને એને ઉતારવા માટે ગૌ વધ કરવો પડશે. પાંડવોના હાથે ગૌ હત્યા કરાવી, પાંડવોને ગુરુ દ્રોહના પાપમાંથી મુક્ત કર્યા

ત્યાર બાદ, હિન્દુ ધર્મના શ્રદ્ધાના કેન્દ્રો એવા 68 તીર્થ સ્થાનો, ગંગા જેવી પવિત્ર નદીઓ વગેરેને, કલિયુગના પ્રકોપથી બચાવવા માટે એમને પીરાણામાં સ્થાન આપ્યું છે. અને એ ખાલી પડેલા 68 તીર્થ સ્થાનોમાં હવે ભૂત ભૈરવ રહે છે. માટે હવે કલિયુગમાં મંદિરે જવું અને મૂર્તિ પૂજા કરવી એ બધું ભૈરવ ભૂતની પૂજા કરવી ગણાશે.

આ તમામ વાતો સતપંથના શાસ્ત્રોમાં જણાવેલ કયા-કયા કલમાઓ છે, એની આછેરી જાણકારી નીચે આપેલ છે.

56.2.     ગ્રંથોનો આધાર: સતપંથના બુદ્ધ અવતારને સમજવા માટે, કૃષ્ણ અવતારમાં જણાવેલ જે ગ્રંથો છે, એજ ગ્રંથોનો આધાર ફરીથી નીચે લેવામાં આવેલ છે. એટલે કે એજ ત્રણ ગ્રંથોનો આધાર લેવામાં આવેલ છે.

સંદર્ભ ગ્રંથ [88]²⁰    : વર્ષ 1926 – પીરાણા સતપંથની પોલ અને સત્યનો પ્રકાશ – નારાયણ રામજી લીંબાણી (પેજ 295 થી 328)

સંદર્ભ ગ્રંથ [139]²⁰ : વર્ષ 1978 – સતપંથ પ્રકાશ અર્થાત .. .. દશ અવતાર – સતપંથી સૈયદ અહમદઅલી “ખાકી” (પેજ 285 થી 382)

(નોંધ: આ ગ્રંથ અને ઉપર જણાવેલ સંદર્ભ ગ્રંથ [88] (પીરાણાની પોલ) લગભગ એક સરખાજ છે. માત્ર કલમાઓના ક્રમમાં ક્યાંક-ક્યાંક એકાદ ક્રમનો અંતર છે. એટલે એના કલમાના ક્રમ નીચે આપેલ નથી.)

સંદર્ભ ગ્રંથ [124]²⁰ : વર્ષ 2009 – સતપંથ શ્રીમદ્ ભગવત દશાવતાર – નાનકદાસજી મહારાજ
(પેજ 314 થી 396)

(નોંધ: આ ગ્રંથમાં જણાવેલ કલમાઓ અને એની નીચે આપેલ વિવરણમાં ઘણી જગ્યાએ તફાવત છે. ધ્યાન રાખવા વિનંતી.)

આ ત્રણે ગ્રંથોની એટલે કે સંપૂર્ણ પુસ્તકની ઓનલાઈન સોફ્ટકોપીની લિન્ક આ પુસ્તકના Bibliography / સંદર્ભ સૂચિ પ્રકરણમાં મળશે. ત્યાંથી તમે આ ગ્રંથ મફત મેળવી શકશો.

56.3.     બુદ્ધ અવતાર પાછળનો મકસદ: સતપંથના બુદ્ધ અવતારમાં હિન્દુઓના રીત-રિવાજો, પરંપરાઓ, માન્યતાઓ, શ્રદ્ધાના કેન્દ્રો, દેવી-દેવતાઓના અવતારોનું ખંડન કરી, રદ્દ-બાતલ થયેલ બતાવી એમને  બદનામ કરવામાં આવ્યા છે. અને આ બધુ કૃષ્ણ અવતાર (એટલે કે બુદ્ધ અવતાર)ના મોઢે કરવામાં આવ્યું છે. પોતાના દેવોનું અપમાન કોઈ બીજા કરે તો, કોઈ માણસ સહન ન કરે, પણ પોતાના જ દેવના મોઢે પોતાના જ ધર્મને નીચો દેખાડે, પોતાના જ અન્ય દેવતાઓનું અપમાન કરે, તો લોકો સહેલાઈથી સ્વીકારી લે.

આવી પદ્ધતિનો ઉપયોગ કરી બુદ્ધ અવતારના માધ્યમથી, હિન્દુઓને પોતાની જ નજરોમાં, પોતાની માન્યતા, પરંપરા, શ્રદ્ધા તોડવામાં આવે. અને પોતાના જ ધર્મ પ્રત્યે હીન ભાવના ઊભી કરવામાં આવી. જુઓ પોઈન્ટ (‎52).