અમારા દાદાના પિતાજી એટલે કે વીરજીભાઈ અબજીભાઈ મુખી (રામાણી) નખત્રાણા. જેઓ નખત્રાણામાં સતપંથનું મુખીપણું કરતા હતા. જેમના ત્રણ દિકરાઓ (૧) કેશરાભાઈ વીરજીભાઈ રામાણી (૨) ધનજીભાઈ વીરજીભાઈ રામાણી (૩) કરમશીભાઈ વીરજીભાઈ રામાણી હતા.

વીરજીબાપા (મુખી)ની ઉંમર થતા તેમના દિકરાઓને મુખીપણુ વારસામાં આપવાની વાતો થઈ. ત્યારે મુખીપણુ ગ્રહણ કરવાનો પ્રસંગ નક્કી થયો. આ વખતે પીરાણાથી ગેઢેરાઓ તથા સૈયદો આવ્યા હતા.

ત્યારે જે પણ પ્રરકરની વિધી થતી હતી તે કરવામાં આવી. ત્યાર બાદ સૈયદોએ પોતાના મોઢામાં પાણી ભરી કોગળા કરી પાણી થાળીમાં નાખ્યું અને આ એઠું (કોગળા કરેલ) પાણી મુખીપણુ ગ્રહણ કરનાર વ્યક્તિઓએ ચરણમૃતના સ્વરૂપે પીવું આવું કહેવામાં આવ્યું.

આ વખતે વીરજીબાપા (મુખી) એ આ વાતનો વિરોધ કર્યો  અને અમારા ત્રણે દાદાઓએ પણ આનો વિરોધ કર્યો.  સૈયદોને કહી દેવામાં આવ્યું કે અમો અમારી રીતે જે કાર્ય કરીએ છીએ તે રીતે જ કરશું. બાકી તમો કહો છો તેમ નહી કરીએ. અને તમારું એઠું પાણી અમે નહી પીએ. તમને મુખીપણું આપવું હોય તો આપો.

આ કારણે અમારા પરિવારે મુખીપણાનો ત્યાગ કર્યો.

માવજીભાઈ કેશરાભાઈ રામાણી – અ.ભા.ક.ક.પાટીદાર સમાજ – નખત્રાણા – પૂર્વ ટ્રસ્ટીશ્રી

કેશરાભાઈ વીરજીભાઈ રામાણી – અ.ભા.ક.ક.પાટીદાર સમાજ – નખત્રાણા – પૂર્વ ટ્રસ્ટીશ્રી

વીરજીભાઈ અબજીભાઈ રામાણી (મુખી) – પૂર્વ ટ્રસ્ટીશ્રી