7.      કુર્મી ક્ષત્રિય: કડવા પાટીદારો (જેણે કુર્મી કણબી પણ કહેવામાં આવે છે) મૂળમાં કુર્મી ક્ષત્રિયો છે. આ બાબતે શંકાનું સમાધાન કરવા દિનાંક 25 અને 26‑May‑1906ના ચુનાર જિલ્લા ભરેહતા¹ ગામમાં વિદ્વાનોની એક બેઠક કરવામાં આવી હતી. શંકા કરનારાઓના પ્રશ્નો હતા કે;

7.1.     જો કણબીઓ  ક્ષત્રિય હોય તો એ લોકોની રીતભાત અને ધંધો રોજગાર બીજા ક્ષત્રિયોના જેવાં કેમ નથી?

7.2.     તેઓ સઘળા જનોઈ કેમ પહેરતા નથી?

7.3.     તેઓ જાતે ખેતી કરવાનું હલકું કામ કરે છે અને હાલના જમાનાના બીજા ક્ષત્રિયો સાથે રોટી-બેટી વ્યવહાર કેમ નથી રાખતા?

સ્મૃતિઓ, પુરાણો વગેરે શાસ્ત્રોનો તેમજ મનુ² અને યાજ્ઞવલ્કય³ આદિ સ્મૃતિઓના આધાર ઉપરથી પ્રમાણિત કરવામાં આવ્યું કે કણબીઓ ક્ષત્રિય તરીકે સિદ્ધ થઈ ચૂક્યા છે અને ઉપનયન સંસ્કારમાં કશો વાંધો નથી. વિસ્તૃત જાણકારી માટે વાંચો “કણબી ક્ષત્રિય ઉત્પત્તિ અને ઇતિહાસ” [105:Page 39 to 44].

આ પુસ્તકમાં “કડવા” શબ્દનો, “લેઉવા” શબ્દનો અર્થ, વહીવંચાઓએ કહેલી ઉત્પત્તિની વાતો, વગેરેની પણ જાણકારી આપેલ છે. કણબીના મૂળ પુરુષ કૂર્મ ઋષિ છે એવું જણાવવામાં આવેલ છે [105:Page 1 to 27].    

8.      પંજાબમાં વસવાટ: કડવા પાટીદારો અનાદિ કાળથી અવિભાજિત⁴પંજાબના વિસ્તારમાં રહેતા હતા. સનાતન ધર્મની માન્યતા પ્રમાણે ધરતીનો પહેલો મનુષ્ય એટલે ભગવાન મનુ અને એમના પહેલા પુત્ર ઈક્ષ્વાકુ, જેણે અયોધ્યામાં રાજ્ય સ્થાપન કર્યું હતું, તે સમય ગાળાથી લઈને પંજાબમાં વસવાટ સુધીના ઇતિહાસ માટે જુઓ કણબી ક્ષત્રિય ઉત્પત્તિ અને ઇતિહાસ [105:Page 49 to 53].

આ પુસ્તકમાં પેજ 51 પર કણબીઓના 52 ગોત્ર ઋષિઓ આધારિત શાખો પરથી એમના, પંજાબ અને ઉત્તર હિન્દુસ્તાનમાં આવેલ અસલ સ્થાનની યાદી પણ આપેલ છે [105:Page 51 to 53].

9.    ગુજરાતમાં સ્થળાંતર: કાળક્રમે પંજાબથી ગુજરાત વિસ્તારોમાં વસવાટ ફેલાતો ગયો. ગુજરાતનો પૌરાણિક કાળનો ઇતિહાસ, વહીવંચાઓની નોંધ વગેરે પરથી કડવા પાટીદારો પંજાબથી ગુજરાત સ્થળાંતર થયા. એનો ઇતિહાસ માટે વાંચો કણબી ક્ષત્રિય ઉત્પત્તિ અને ઇતિહાસ [105:Page 54 to 57].

10.   સદગુણોથી અલંકૃત નિર્મળ અંતઃકરણ: ગુજરાતમાં કડવા પાટીદારોનો મુખ્ય વ્યવસાય ખેતી હતો. તેઓ સનાતન ધર્મ પ્રિય હતા અને સદગુણોથી અલંકૃત હતા. એમના અંતઃકરણથી ઉદાર અને નિર્મળ હતા. તેમનું મન શુદ્ધ અને સરળ હતું. સેંકડો વર્ષોથી ઉચ્ચ સંસ્કારો વાળું અને કૂડકપટ વિનાનું જીવન જીવતા આવ્યા હતા. પોતે સારા તો કોઈ માણસ એમની સાથે કપટ નહીં કરે, એવા ભાવ સાથે જીવતા હતા.