1.      ખંડ 1ની પૃષ્ઠભૂમિ: ઇતિહાસના મુખ્ય બે (2) પાંસાઓ (aspects) હોય છે. જ્યાં સુધી બંને પાંસાઓનો બરાબર અભ્યાસ ન  કરવામાં આવે, ત્યાં સુધી ઇતિહાસની ખરા અર્થમાં સમજણ અધૂરી છે. આ બે પાંસાઓ છે;

1.1.     ઐતિહાસિક ઘટનાઓ

1.2.     ઇતિહાસનું આકલન

2.      ઐતિહાસિક ઘટનાઓ: ઐતિહાસિક ઘટનાઓ કોને કહેવાય એ તમે સમજતા જ હશો. અમુક તારીખે કોઈ  સંસ્થા ઊભી થઈ, કોઈ મંદિર બંધાયું, કોઈ વ્યક્તિનો જન્મ થયો, કોઈ સભા/મિટિંગ ભરાઈ વગેરે દાખલાઓ છે ઐતિહાસિક ઘટનાઓના

3.      ઇતિહાસનું આકલન: સાદી ભાષામાં કહીએ તો ઐતિહાસિક ઘટનાઓના અલગ-અલગ બિંદુઓને સમજ રૂપી રેખાઓથી જોડીને જે રીતે ઇતિહાસનું ચિત્ર તૈયાર થાય એને આકલન કહી શકાય. ઇતિહાસના ચિત્રની પૂર્ણતા (ઘટનાઓ કેટલી આવરી છે) અને ચિત્રની બારીકાઈથી (ઘટના સાથે સંલગ્ન વિવિધ બાબતો) ખ્યાલ આવે કે સમાજ ક્યાં હતો અને કઈ તરફ જઈ રહ્યો છે. જેમાં સારા બૌદ્ધિકોની સહભાગિતા (participation) બહુ મહત્વની ભૂમિકા ભજવતી હોય છે. ઇતિહાસમાંથી મળનારી સમજ કે શિખ, આ પાંસા ઉપર સહુથી વધારે નિર્ભર હોય છે. ઇતિહાસનું  આકલન ભલે ઐતિહાસિક ઘટનાઓ ઉપર આધારિત હોય છે, પણ ઇતિહાસના આકલનનું મહત્વ સહુથી વધારે હોય છે. 

4.      પુસ્તક વિષે: આ પુસ્તકના ખંડ 1નો મુખ્ય વિષય છે, ક. ક. પા. જ્ઞાતિના ઇતિહાસનું આકલન. ઐતિહાસિક ઘટનાઓ નોંધતા ઘણા બધા પુસ્તકો અને દસ્તાવેજો જોવા મળે છે. પણ એ ઘટનાઓનો અભ્યાસ કરી, એનું આકલન તૈયાર કરી, એમાંથી સંદેશ અને શિખને તૈયાર કરી, સનાતન ધર્મમાં ઘરવાપસીના પ્રયાસોને પદ્ધતિસર રજૂ કરતું આ પહેલું પુસ્તક છે.

5.      ઇતિહાસની રજૂઆત: ઘરવાપસીના 550 વર્ષોના સંઘર્ષની બીનાઓ આવરી લેતી ઘટનાઓને જે-તે સમયે નોંધાયેલ દસ્તાવેજો તો ઘણા છે, જે આગાઉ વાત કરી. એ ઘટનાઓને ફરીથી, એમને એમ, આ પુસ્તકમાં લખવાનું કોઈ કારણ નથી. માટે તમે સમજી ગયા હશો કે આ પુસ્તકમાં આપણે એ ઘટનાઓનું ઝીણવટથી, પણ સામાન્ય માણસ સમજી શકે એવી રીતે આકલન કરીશું.  

6.      આકલનના વિભાગો (પ્રહરો): 550 વર્ષોના ઘરવાપસીના સંઘર્ષના ઇતિહાસને, સહેલાઈથી સમજવા માટે, નીચે પ્રમાણે વિભાજિત કરેલ છે.

*સમય ગાળો અંદાજીત છે.